Recent Post

Monday, June 12, 2017


ចិន៖ វីដេអូដ៏គួរឲ្យចាប់អារម្មណ៏មួយ ត្រូវបានគេថតនៅខាងក្រៅការិយាល័យរបស់ក្រុមហ៊ុនបច្ចេកវិទ្យាពន្លឺសូឡា Risun នៅក្នុងទីក្រុង Xinyu ខេត្តជាំងស៊ី ប្រទេសចិន ដែលបានបង្ហាញឲ្យឃើញថា មានត្រីបាឡែនដ៏ធំមួយក្បាលត្រូវបានគេដឹកយកមកធ្វើជាចំនីឆ្កែ។

បន្ទាប់ពីវីដេអូមួយនេះត្រូវបានបង្ហោះ អាជ្ញាធរខេត្តក៏បានចាប់ផ្តើមសម្លឹងមើលទៅលើបញ្ហាមួយនេះ។ យោងទៅតាមក្រសួងរុក្ខាប្រមាញ់ និងនេសាទ ប្រចាំខេត្តជាំងស៊ី បានឲ្យដឹងថា ត្រីបាឡែនមួយក្បាលនេះ ជាអំណោយដែលត្រូវបានប្រគល់ទៅឲ្យក្រុមហ៊ុន Risun ពីសំណាក់ក្រុមហ៊ុនមួយផ្សេងទៀត ដែលមានទីតាំងនៅក្នុងខេត្តចឺជាំង។

យ៉ាងណាមិញ ពួកគេត្រូវចំណាយទឹកប្រាក់ប្រមាណ ៤០០០ យ័ន (ប្រហែល ៥៧៧ ដុល្លារ) ដើម្បីធ្វើការដឹកជញ្ជូនត្រីទម្ងន់ ៨តោននេះពីតំបន់ឆ្នេរខេត្ត Zhejiang មកកាន់ខេត្តជាំងស៊ី។
លើសពីនេះទៅទៀត អាជ្ញាធរក៏បានបន្ថែមទៀតដែរថា បើទោះបីជាតម្លៃនៃការដឹកជញ្ជូននេះថ្លៃក៏ពិតមែន ក៏ត្រីបាឡែននេះត្រូវបានគេកាត់យកទៅធ្វើជាចំនីឆ្កែដែរ ហើយសាច់មួយចំនួនទៀត ត្រូវបានបែងចែកទៅឲ្យបុគ្គលិកដែលបម្រើការនៅក្នុងក្រុមហ៊ុននេះយកទៅផ្ទះ ដើម្បីធ្វើជារង្វាន់ចុងឆ្នាំសម្រាប់ពួកគេ៕


សូមទស្សនាវីដេអូ៖


ប្រភព៖ Shanghaiist 
0

Saturday, June 10, 2017


ម៉ាឡេស៊ី៖ នារីម្នាក់ បានក្លាយជាតារាល្បី ក្រោយពេលសរសេររឿងរ៉ាវជីវិតអាពាហ៍ពិពាហ៍ ដ៏កំសត់រួចមក ដោយរូបនាងបានព្យាយាម កែប្រែសម្រស់របស់ខ្លួន ពីនារីម្នាក់មើលមិនយល់ រហូតក្លាយជាស្រីស្អាតម្តងទៀត។

យោងតាមគេហទំព័របរទេស បានឲ្យដឹងថា នារីម៉ាឡេស៊ីម្នាក់ បានផ្លាស់ប្តូរជីវិតរបស់នាងទាំងស្រុង បន្ទាប់ពីត្រូវស្វាមីសុំលែងនាង ទាំងពួកគេមានកូនប្រុសម្នាក់ ក្នុងបន្ទុកគ្រួសារ។


ក្នុងនោះដែរ នាងបាននិយាយឲ្យដឹងថា កាលពីមុននាងក៏ជា ស្រីស្អាតម្នាក់ដែរ តែក្រោយពីរៀបការរួច នាងក៏ចាប់ផ្តើមនៅផ្ទះ និងមើលថែកូន។ ពីមួយថ្ងៃទៅមួយថ្ងៃ សម្រស់របស់នាង បានប្រែប្រួលទៅជា មនុស្សស្រីម្នាក់ ដែលមានស្បែកស្រអាប់មិនស្រស់ថ្លា ហើយនាងក៏លែងមានភាពទាក់ទាញបន្តទៀតដែរ។

ប្រភពបន្តថា ស្វាមីរបស់នាង មិនបានមើលថែនាងឲ្យបានល្អនោះទេ ហើយ ថែមទាំងក្បត់ចិត្តនាងថែមទៀតផង។ ដូច្នេះនាងក៏សម្រចចិត្ត ចាកចេញពីស្វាមី និងបានបង្កើតមុខរបរដោយខ្លួននាង ខណៈកំពុងមើលថែកូនតូចៗដែលនៅក្នុងបន្ទុករបស់នាង។ ក្រោយមកទៀត នាងចាប់ផ្តើម យកចិត្តទុកដាក់ ថែទាំសម្រស់របស់ខ្លួនឡើងវិញ រហូតនាពេលបច្ចុប្បន្ននេះ នាងពិតជាស្អាតខ្លាំងណាស់។

ចំពោះរឿងរ៉ាវរបស់ នារីម្នាក់នេះ បានជួយជម្រុញចិត្ត នារីៗ ឲ្យចេះមើលថែខ្លួនឯង និងមិនត្រូវធ្វេសប្រហែសខ្លួនឡើយ ទោះក្លាយជាស្រ្តីមេផ្ទះក៏ដោយក្តី៕






0


(លីប៊ី)៖ រយៈពេល០៥ឆ្នាំ បន្ទាប់ពីការសា្លប់របស់មេដឹកនាំលីប៊ី លោក ហ្គាដាហ្វី បងប្អូនជីដូនមួយរបស់លោកគឺលោក Ahmed Kadhafi ad-Dam បានចេញមុខធ្វើការពន្យល់ពី មូលហេតុមួយចំនួនដែល លោកផ្ទាល់អះអាងថា អាចជាកត្តាទាក់ទាញបណ្ដាប្រទេសលោកខាងលិច ឲ្យរៀបចំគំរោងធ្វើរដ្ឋប្រហារទម្លាក់ លោក ហ្គាដាហ្វី ពីអំណាចកាលពីឆ្នាំ២០១១។ នេះបើយោងតាមការចុះផ្សាយ ដោយសារព័ត៌មានរុស្ស៊ី Sputnik នៅរសៀលថ្ងៃចន្ទ ទី២៤ ខែតុលា ឆ្នាំ២០១៦។

ថ្លែងនៅក្នុងបទសម្ភាសន៍ជាមួយសារព័ត៌មាន RT លោក Ahmed Kadhafi ad-Dam បានគូសបញ្ជាក់ថា គំរោងបង្កើតសហភាពអាហ្រ្វិក និងរដ្ឋាភិបាល អាហ្រ្វិករួមមួយ គឺជាមូលហេតុដ៏សំខាន់នៃការធ្វើអន្តរាគមន៍យោធានៅលីប៊ី រួមទំាងការធ្វើឃាតអតីតមេដឹកនាំលីប៊ី លោក ម៉ូអាម៉ា ហ្គាដាហ្វី។ លោក Ahmed Kadhafi បានលើកឡើងដូច្នេះថា «បណ្ដាប្រទេសលោកខាងលិច បានមើលឃើញពីការគំរាមកំហែង ដល់ផលប្រយោជន៍របស់ពួកគេ ដែលកើតចេញពីការ ដឹកនំាការតស៊ូរបស់លោក ហ្គាដាហ្វី ដើម្បីសេរីភាព ទ្វីបអាហ្រ្វិក និងបណ្ដេញពួកប្រទេសអាណានិគមចេញពីអាហ្រ្វិក»។

បងប្អូនជីដូនរបស់លោក ហ្គាដាហ្វី រូបនេះបានឱ្យដឹងទៀតថា នៅឆ្នាំ១៩៩៩ លោក Mouammar Kadhafi បានដាក់ចេញនូវការជជែកដេញដោល មួយស្ដីពីការបង្កើតសហភាពអាហ្រ្វិក និងរដ្ឋាភិបាលអាហ្រ្វិករួបរួមមួយ ក្នុងគោលបំណងប្រមូលផ្ដុំសមត្ថភាពទ្វីបអាហ្រ្វិកទំាងមូល ហើយដែលនយោបាយនេះឯង គឺប្រឆំាងនឹង ផលប្រយោជន៍នៃបណ្ដាប្រទេសលោកខាងលិចមួយចំនួន ដូច្នេះទើបលោក ហ្គាដាហ្វី ត្រូវបានទម្លាក់ពីអំណាច និងត្រូវគេធ្វើឃាត។

ជាមួយគ្នានោះដែរលោក Ahmed Kadhafi បានជម្រុញឱ្យអង្គការសហប្រជាជាតិ និងអគ្គលេខាធិការថ្មី ត្រូវតែបើកការស៊ើបអង្កេតជុំវិញ ព្រឹត្តិការណ៍កាលពីឆ្នាំ២០១១ ត្បិតក្នុងរយៈពេលជាង ០៥ឆ្នាំមកនេះ ក្រុមប្រឹក្សាសន្តិសុខ មិនបានបើកការស៊ើបអង្កេតណាមួយនោះទេ។

គួររំលឹកថាកាលពីខែមីនា ឆ្នាំ២០១១ ក្រុមប្រឹក្សាសន្តិសុខអង្គការសហប្រជាជាតិ បានសម្រេចអនុញ្ញាតឱ្យ មានការធ្វើអន្តរាគមន៍យោធាក្រោមការដឹកនំារបស់ សហរដ្ឋអាមេរិក បារំាង និង អង់គ្លេស នៅលីប៊ី ដើម្បីការពារជនស៊ីវិលពីកងកម្លំាងលោក ហ្គាដាហ្វី។ ក៏ប៉ុន្តែ០៥ឆ្នំាបន្ទាប់ពីរបបដឹនំា ហ្គាដាហ្វី រលំរលាយទៅ លីប៊ីនៅតែបន្តស្ថិតនៅក្នុងភាពវឹកវរ ខណៈសេដ្ឋកិច្ចនិងការរស់នៅរបស់ ប្រជាជនលីប៊ី កំពុងធ្លាក់ចុះដុនដាប យ៉ាងខ្លំាងបើធៀបទៅនឹងកាលពីលោក ហ្គាដាហ្វី នៅមានជីវិត ប្រជាពលរដ្ឋលីប៊ីមានការសោកស្តាយចំពោះបញ្ហានេះ, ក្នុងនោះប្រជាពលរដ្ឋអ៉ីរ៉ាក់ក៏មានការ សោកស្តាយផងដែរ ចំពោះការសម្លាប់លោក សាដាម ហ៊ូនសេន ។ ម្យ៉ាងវិញទៀតសូម្បីតែអតីតនាយករដ្ឋមន្ត្រី អង់គ្លេសលោក Tony Blair ក៏បានសារភាពដែរថា ប្រសិនបើលោក Kadhafi  និងលោក Saddam Hussein នៅមានជីវិត ក្រុម ISIS ក៏ទំនងជាមិនកើតមានឡើងដែរ៕






0


ប៉ាគីស្ថាន៖
បុរស​មាឌ​យក្ស​ទម្ងន់​ធ្ងន់​ម្នាក់​បានក្លាយ​ជាទី​ចំណាប់អារម្មណ៍​របស់​ប​ណ្តា​អ្នកលេង​អ៊ី​ន​ធឺរ​ណេ​ត ក្រោយពី​ប្រកាសថា​ខ្លួន​ជា​បុរស​ខ្លាំងជាងគេ​លើ​លោក ។​

​យោងតាម​សារព័ត៌មាន គេ​បានដឹងថា បុរស​មាឌ​យក្ស​រូបនេះ​មាន​ឈ្មោះថា Arbab Khizer Hayat មាន​ទម្ងន់ ៤៣៦ គីឡូក្រាម ដែល​សព្វថ្ងៃ​លោក​បាន​ជាប់​រហស្សនាម​ថា «​ស្តេច​យក្ស​ប៉ា​គី​ស្ថាន​» ។ បុរស​យក្ស​វ័យ ២៥ ឆ្នាំ​រូបនេះ​ក៏​ធ្លាប់​ល្បីឈ្មោះ​ម្តង​រួចមកហើយ ដោយសារតែ​វីដេអូ​លោក​ប្រើ​កម្លាំង​ចាប់ទាញ​ត្រាក់ទ័រ​ដែល​កំពុងដំណើរកា​រ​បញ្ច្រាស​គ្នា ។ ស្ថិតក្នុង​កម្ពស់ ១,៩០ ម៉ែត្រ និង គីឡូ​យ៉ាង​ធ្ងន់​បែបនេះ លោក​បាន​ឲ្យ​ដឹង​ដែរ​ថា លោក​គ្មាន​បញ្ហា​សុខភាព​អ្វី​នោះទេ ហើយ​សព្វថ្ងៃ​លោក​កំពុង​ព្យាយាម​បង្កើន​កម្លាំង​របស់ខ្លួន​ថែមទៀត ដោយមាន​របប​អាហារ​ដ៏​ត្រឹមត្រូវ​រួមមាន​មួយថ្ងៃ​ត្រូវ​ញ៉ាំ​ស៊ុត ៣៦ គ្រាប់ សាច់​ជាង ៣ គីឡូក្រាម ទឹកដោះគោ ៥ លីត្រ និង ជាច្រើន​ផ្សេងទៀត ។












0

Friday, June 9, 2017


បរទេស៖ នៅ​ក្នុង​រយៈពេល​ប៉ុន្មាន​ថ្ងៃ​នេះ​ មាន​រូបភាព​ប៉ុន្មាន​សន្លឹក​បាន​ធ្វើការ​រង្គោះរង្គើរ​ បណ្ដាញ​ទំនាក់ទំនង​សង្គម​ ទាក់ទង​នឹង​ប្រធានាធិបតី​រុស្ស៊ី​ ដោយ​ក្នុង​នោះ​គេ​បាន​លើក​ថា​ តើ​រូបភាព​ទាំង​ប៉ុន្មាន​នេះ​ ជា​ភស្តុតាង​បញ្ជាក់​ថា​ ប្រធានាធិបតី​ដ៏​មាន​ឥទ្ធិពល​របស់​រុស្ស៊ី​លោក​ Vladimir Putin​ មាន​ជីវិត​អមត​មែនទេ​?​ ជា​ការពិត​ណាស់​ក្រុម​អ្នក​ទ្រឹស្ដី​រួម​គំនិត​បាន​គិត​ដូច្នេះ​។​ ​

ក្នុង​នោះ​រូបភាព​ទី​មួយ​ត្រូវ​បាន​ថត​កាល​ពី​ជិត​មួយ​រយ​ឆ្នាំមុន​ គឺ​ជា​រូបភាព​របស់​នាយទាហាន​ម្នាក់​ ចំណែក​ឯ​រូបភាព​ទីពីរ​ ត្រូវ​បាន​គេ​ឲ្យ​ដឹង​ថា​ វា​ត្រូវ​​បាន​ថត​ក្នុង​ឆ្នាំ​១៩៤១​ បង្ហាញ​ពី​នាយទាហាន​ជើង​អាកាស​មួយ​រូប​របស់​រុស្ស៊ី​ ហើយ​រូបភាព​ទាំងពីរ​នេះ​ ត្រូវ​បាន​គេ​និយាយ​ថា​ គឺ​ដូចគ្នា​នឹង​ប្រធានាធិបតី​វ័យ​៦៣​ឆ្នាំ​រូប​នេះ​តែម្ដង។​

យោង​តាម​គេហទំព័រ​ទាក់ទង​នឹង​ UFO​ មួយ​ឈ្មោះ​ Disclose.tv​ បាន​និយាយ​ថា​ "​រូបភាព​នៅ​ក្នុង​ឆ្នាំ​១៩២០​ និង​ឆ្នាំ​១៩៤១​នេះ​ បាន​សាយភាយ​នៅ​ក្នុង​បណ្ដាញ​​ទំនាក់ទំនង​សង្គម​ ដោយ​ក្នុង​នោះ​មាន​មនុស្ស​មួយ​ចំនួន​បាន​អះអាង​ថា​ នេះ​គឺជា​រូបភាព​របស់​លោក​ Vladimir Putin​ ជាពិសេស​គេ​ជឿ​ថា​ រូប​លោក​គឺជា​ Vlad the Impaler​ ដែល​បាន​កើត​នៅ​ក្នុង​ឆ្នាំ​១៤៣១​ មាន​ងារ​ជា​បិសាច​ជញ្ជក់​ឈាមទៀតផង​។​
តែ​យ៉ាងណាមិញ​នៅ​មិនទាន់​មានអ្នក​ណាម្នាក់​ ចេញ​មុខ​មក​បកស្រាយ​រឿងនេះ​ ឲ្យ​បាន​ច្បាស់លាស់​នៅឡើយទេ​។ សម្រាប់​ប្រិយមិត្ត​វិញ​ មាន​យោបល់​យ៉ាងណា​ដែរ​សម្រាប់​រូប​ភាព​ខាងលើ​នេះ​?​ តើ​រូប​ភាព​ទាំង​នេះ​​មើល​ទៅ​ដូច​លោក​ Putin​ ដែរ​ឬទេ?



ប្រភព៖​ Mirror
0


បរទេស៖ ក្រុមអ្នកជំនាញខាងគូគំនូរ បានបញ្ចេញថ្វីដៃដ៏ប៉ិនប្រសព្វរបស់ពួកគេ ដើម្បីគំនូរខោខាប៊ូយខៀវមួយ បិទបាំងលោរូបកាយអាក្រាតរបស់ស្រីម្នាក់។ បន្ទាប់មកនាងក៏ដើរគ្រប់ទីកន្លែងក្នុងទីក្រុង តាំងពីរថយន្តក្រុង រហូតដល់ផ្សារទំនើប តែពុំត្រូវបាននណាម្នាក់ចាប់អារម្មរណ៍និងខោគំនូររបស់នាងនោះទេ។ សូមទស្សនាវីដេអូទី១ដូចតទៅ៖

វីដេអូទី១ គ្មានខោ៖


ក្រុមអ្នកជំនាញគំនូរដដែលបានបញ្ចេញថ្វីដៃដ៏ប៉ិនប្រសព្វរបស់ពួកគេម្តងទៀត ដើម្បីគូគំនូរអាវខាប៊ូយខៀវបិទបាំងលើដងខ្លួនអាក្រាតរបស់នាង។ បន្ទាប់មកនាងក៏ដើរពេញទីក្រុងដូចស្រ្តីម្នាក់មុនដែរ តែពុំត្រូវបាននណាម្នាក់ដឹងឡើយ។ សូមទស្សនាវីដេអូទី២ ដូចតទៅ៖

វីដេអូទី២ គ្មានអាវ៖


ប្រភព: COBY Persin
0

Contact Form

Name

Email *

Message *

Follow by Email